UHURU HATALEGEZA

 

Haya ni yangu maoni, wala sijapigwa “jeki” 

Tarehe sita ya Juni, tungojao mahuluki

Vile nimetathmini, tutabakia kusaki

Uhuru hatalegeza, kutoa lokdauni

Mapema nawaeleza, nyote jitayarisheni

Yale mnayoyawaza, kando yote yawekeni 

Henda nyembe mkameza, msidhani ni utani

Uhuru hatalegeza, kutoa ‘lokdauni’

 

Zilizowekwa sheria, kishogo hazitapewa

Wale mnaodhania, jioni mwende kulewa

Bure yenu nawambia, kafiu haitatolewa

Uhuru hatalegeza, kutoa ‘lokdauni’

 

Kama tulivyoambiwa, tutavaa barakoi

Sabuni itatumiwa, pamwe na masafi mai

Sote mikono kunawa, lodi na mlala hoi

Uhuru hatalegeza, kutoa lokdauni

 

Usinigwiie rungu, na kunipiga mateke

Haya ni mawazo yangu, huenda yasifanyike

Bora ni kuomba Mungu, janga hili litutoke

Uhuru hatalegeza, kutoa lokdauni

 

Leave a Reply

Your email address will not be published. Required fields are marked *